នៅព្រឹកថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ លោក ងិន សុវិមាន អភិបាលរង នៃគណៈអភិបាលខេត្ត បានអញ្ជើញដឹកនាំកិច្ចប្រជុំជ្រើសរើស បេក្ខភាពភូមិទេសចរណ៍ ឆ្នើម ដើម្បីចូលរួមក្នុង ការប្រកួតប្រជែង«ភូមិទេសចរណ៍ឆ្នើម(Best Tourism Villages)* របស់អង្គការទេស ចរណ៍សហប្រជាជាតិ(UN Tourism) ។
ដោយមានការអញ្ជើញចូលរួមពីសំណាក់ លោកស្រីនាយិការរង ទីចាត់ការ រដ្ឋបាល លោកមេបញ្ជាការរង កងកម្លាំងទាំងបី លោក លោកស្រីប្រធាន-អនុប្រធានមន្ទីរ អង្គភាពពាក់ព័ន្ធ លោក លោកស្រីអភិបាលរង ក្រុង-ស្រុក លោក លោកស្រីអង្គការដៃគូ សហគមន៍ និងមន្រ្តីជំនាញពាក់ព័ន្ធ កិច្ចប្រជុំនេះប្រព្រឹត្តទៅនៅសាលប្រជុំ សែនមនោរម្យ អគាររដ្ឋបាលខេត្ត។